Azken artikuluak
Nor gara
Zergatik Asteroideiak?
Blog honetan aurkituko dituzun testuak hainbat autorek idatzi ditugu; askotariko arrazoiek bultzatuta, tonu, maila tekniko eta erregistro ezberdinak medio. Amankomunean helburu bat partekatzen dugu denok: dibulgazio zientifikoa, batik bat fisika, euskaraz lantzea.
​
Aipatu bezala, asko dira zientziari buruz euskaraz idaztera bultzatzen gaituzten arrazoiak: batetik, proiektu honen parte garenon ehuneko handi batek, ez denok, ingelesez eta hizkera zientifikoa baliatuz komunikatu behar dugu beti gure lan esparruetan. Honetarako nahiko arrazoi badaude ere, komunikazio formalak ez du tokirik uzten libre idazteko; ez dago metaforarik, analogiarik, hiperbolerik… Espresio literario edo poetiko oro zehaztasunaren izenean alboratzen da. Eta, noizbehinka, askatasun literario pixka bat faltan botatzen dugu.
Bestetik, hizkuntzari dagokionez, bagara batzuk Euskal Herritik kanpo atera garenak lan egitera, honek dakarrenarekin: nahiz eta zientziarekin lehen kontaktua euskaraz eduki, gaur egun gutariko askoren kasuan ez dira ugariak zientzia euskaraz jorratzeko aukerak. Euskal Herrian bertan ere, kasu konkretuetatik haratago, egoera ez da askoz hobea. Zentzu horretan, dibulgazioa euskaraz egitea gure lagun, familia eta auzokoekin kontaktuan jarraitzeko aukera gisa ere uler daiteke.
Laburbilduz, proiektu hau hein batean guretzat egiten dugu, jada aipaturiko beharrak asebetetzeko. Bestalde, zientziari buruz irakurri, pentsatu eta hitz egin nahi duen euskaldun ororentzat espazio txiki bat sortzea espero dugu. Oraindik irakurtzen jarraitzen baduzu, zatoz gurekin fisikaren munduan murgiltzera!
Taldea
Ezagutu gure taldea. Hamar zientzialariz osatutako talde oso jatorra, dibulgazio zientifikoa euskaraz sustatu nahi duena.
Asteroideiak-en astronomia, fisika eta konputazioari buruzko artikulu liluragarriak eskeintzen dizkizuegu. Murgildu zaitez zientziaren munduan gurekin!
Ikertu Kosmosa
Ezagutu unibertsoaren sekretuak eta kosmosaren mirariak gure astronomiako artikuluen bidez. Zulo beltzetatik exoplanetetaraino, espazioaren eta denboraren mugak esploratzera gonbidatzen zaitugu.
Beharrezko Fisika
Murgildu unibertsoaren oinarrizko legeetan gure fisikako artikuluekin. Mekanika kuantikotik erlatibitateraino, inguratzen gaituen mundua gidatzen duten printzipioak aztertzen ditugu.
Teknologiatik haratago
Ezagutu teknologiako eta konputazioko azken joerak gure artikulu espezializatuen bidez. Adimen artifizialetik hasi eta zibersegurtasuneraino, etengabe eboluzionatzen ari den mundu digitalari buruzko informazioa ematen dizugu.
Matematika: Ereduak, logika eta natura ulertzeko giltza
Zenbakiek, patroiek eta ekuazioek osatzen dute mundua ulertzeko hizkuntza unibertsala. Geometriatik probabilitatera, matematikak gure ingurunea deskribatzen eta iragartzen laguntzen digu. Are gehiago, biologia matematikoak bizitzaren prozesuak modelizatzen ditu, hala nola populazioen hazkundea eta epidemiak.
_edited.jpg)